Haka 29 tarik uni u bnai, ka Tara Subba kawa man ka dkhot ka National Office Bearers ka BJP kawa da phah da ka Vanathi Sriniwas, National President ka Mahila Morcha namo ka seiñ kynthai ka BJP daw wan ko wow leh yaka Mahila Pravas kawa ar sngi yow lai pait yei pynkrehkaam ya ki Scheme sorkar waphær waphær hapoh ka East Jaiñtia Hills District, khamtam ya ki Scheme kiwa neibynta ki kynthai.
Da ya emlang leh ha kani ka sngi waka State President, ka Susuki Pariat deiwa yahkhmat kiwa kitkaam thymme ka BJP ha East Jaiñtia wa kynthup yaka Jhanika Siangshai kawa man leh kam ka State Vice President yong ka Mahila Morcha kawa pait leh yaka District deiwa emlang ka District President yong ka Mahila Morcha, ka Shidalin Phawa.
Chwa u leh yeini i lait pait lai sylli da lai duwai wei da yoh yei ya syllok na u Fr. Sony Rymbai uwa pait yaka Divine Mercy Chapel, wei hadien ini da sdang deiwa lai pait yaka Wapungskur Higher Secondary School, neitæ ka One Stop Centre, ka Anganwadi Centre wa em ha Wapung Chnong, ki Transgender Community, ka District Hospital, ki dkhot ka SHG yong ka Moolamanoh, ka 10000 FPO Wapung Farm Fresh Farmer Producer Company Limited kawa man kawi na ki Scheme ka sorkar pyrdi neibynta ki warep.
Hei lai cha ka District Hospital da chem wa dang em chiboon i duna nadooh ki Maternity Ward, ka Labour Room, ki Paediatric Ward wa kiwi kiwi de kiwa emkaam wa toh u em.
Neiliang ka Jhanika da khana ko wa ka BJP ymtoh ka seiñ wa pyrchah niam, neibhah ka man ko kam ka Christan, wei kiwa pynbaaad toh kiwa pyrkhat sih neibhah ym em wa ye u pynbor ya kiwon kiwon wow mane ki ya kiwi won ki Blai.
Neiliang ka Tara Subba da khana ko leh wa ka East Jaiñtia toh kawi na ka District kawa pdiang burom ya ki jaitbru waphær waphær kiwa wan sah ha kani ka District, wei da yaroh ko yaka East Jaiñtia Hills kam kawi na ka District kawa khian kawa e laitlooid ya u bru wow chakri laitlooid wei kawa e laad ya ki para bru wow kamai jakpoh wei ini pynyoo ko wa kani ka District toh kawa mahajon hei mynsien iwa ong ‘Atithi Devo Bhava’.
Ka kyrwoh na ka State Vice President, ka Jhanika Siangshai.
Discussion about this post