Kawi ka kynthai kawa na Uttarakhand da chah kem ko ha ki pulit ka Uttar Pradesh hadien wa chem wa pynbiej ko ya ki chynrang deiwa bia wa ki tangwa hadien won lute ko ki wei heipor wa chah kem ko ha ki pulit da khana ko wa ka toh kawa em HIV.
Kani ka kynthai kawa em hapoh patok kattæ da pyntikna leh wa ka toh kawa em HIV wei neiliang ki pulit da lai pyntip ki cha kitu ki bru wa tipmit ka wei hadien wa Test ya kini da chem wa 3 ngut toh kiwa da yoh HIV.
Ki pulit da phah Test ki leh ya ki 5 ngut ki chynrang kiwa bia kani ka kynthai kiwa da chah thok ha ka deiwa yut ko hadien wa lute ko ki.
Kani ka bru toh kawa na chnong Rudrapur, Uttarakhand wei da kem ya ka da ki pulit ka UP ha u Naisan deilang wa 5 ngut ki bru wa krehlang ko yow thok ya ki bru.
Katkam wa khana ki pulit, kani ka bru deiwa ya krehlang wa kiwa emyatoh ko da jied ki ya ki bru wa mahajon yow pynbiej ki wei hadien wa bia ki, da tooh wei lute lut ko yei ksiar i rupa wa kiwi de ki mar wa kordor na yung na sem ki dep tæ wiar ko ngeiñ.
Hachwa ini, kani ka bru deiwa yarap kawi ka NGO da lai Test ya ka heiwa da chem wa em ko ya u khñiang HIV tangwa ym bien ko wow dih dawai wei da yut ko khlem da chem de kani ka NGO ka.
Ha ini i por wa em ko hapoh patok ha UP da sdang ko wow kjut u chitom wei da khana ko ya ki pulit wa em HIV ko heiwa da phah Test biang ya ka yow pyntikna yeini. Neiliang ki pulit da sdang ki wow takit ka yow tip wa kiyi de ki bru wa ya thiah ya dem ko wei hawa kynjoh ktien cha kini wei da phah Test ki heiwa 3 ngut da yoh HIV ki wei da phah Test leh sa ya ki 5 ngut ki chynrang wa bia ko.
Discussion about this post