Jowai : Hadien wa mih ki khubor dei langær wa klam chaphang i ku syndet ka seiñ BJP hapoh ka jylla da mih leh ki khubor wa ong wa boon ki MLA ki MDC da kwah ki u psiah cha ka party.
Hei yoh u Wyrta u yaklam wa u President ka BJP Meghalaya u ma Chibun Lyngdoh da kylli hei wow pynsakhiat u wa boon ki MLA kiwa kwah u psiah cha ka party, heiwa da ong u wa da pynsñiaw ki yeini wei ympu ye u pynsakhiat yeini kat wympu psiah ki cha ka party.
“Waroh ki bru kwah ki u lai cha chiliang duriaw ha ka lieñ kawa bha, yi wow kwah u chong ha ka lieñ kawa da pai” da ong u ma Chibun.
Da pynrap chooh chooh u deiwa ong “ka Congress katni man ko ka lieñ wa da pai, ka wym poi luti de chei thaw wa mut”.
Discussion about this post