U MLA ka NPP uwa man u Montri ha ka sorkar MDA, u Rakkam A Sangma da ong u wa ka seiñ Congress ka toh kawa yong ynnin katwa ka NPP won toh kawa katni neibynta ka mynstep ka mankawi. Ini i klam yong oo toh hadien wa i kam yong uwa yahkhmat ka All India Congress Committee wa ka Congress daw jop ko ha ka Election MP wa daw man ha uni u snem, hadien wa da wanrah chiboon ki kaam pynroi ha Meghalaya.
Hawa klam ynne ka sngi, u Rakkam da ong u wa ka Congress nachwa man ko kammon wei katni won cheiwon; wei pynrap u wa ha ka Politics ki paidbah ym yaklam ya iwa da pyndep tangwa i yaklam ki yeiwa man katni.
Ha iwi i liang uwa yahkhmat ka NPP da ong wa ym artatien ki wa ka Party ym jop ko ha waroh ar tylli ki MP Constituency.
Da ong u wa neibynta ka Shillong Seat ka Party da sai ko ya ka kyrtong kawa biang bha, wei ymtoh de da kawa kamni kamtai wow pynbaad ya ka NPP neibhah wa da sai ya ka kyrtong kawa biang tam.
Da ong chooh chooh u chong u ha kiwa jied ya kawon cha Parliamentary, wei lada yoo mon næ ym em wow phah ya ka manbei wow klam ha ka riam tynre hapoh Parliament.
Discussion about this post