Ka Congress u pyrchah bait ko yaka CAB, ong u Jairam

Shillong: Uwa yahkhmat ka Congress uwa jooh man leh u montri ka sorkar pyrdi warim, u Jairam Ramesh da klam che u wa ka Congress u yieñ wow pyrchah bait ko yei thmu ka sorkar BJP wow pynman aiñ ya ka Citizenship Amendment Bill (CAB) ha kani ka kynti kawa katni.

U Ramesh da ong u ini ynne ka sngi hadien wa yachem u wa kiwa yahkhmat ka Congress hapoh ka jylla wow yaklam yei man ka saiñ pyrthai wei kamjooh wow pynkhlan ya ka Party. Da emlang leh u Mukul Wasnik u General Secretary ka AICC, u Jitender Singh, u Manikandan Tagore u MP u General Secretary ka AICC wa u Mahammad Ali Khan uwa yasaaid aiñ.

Katkam i ong uni uwa yahkhmat ka Congress, i thmu ka CAB toh wow wanrah ya i piah i pra ha ka ri wa da leh da u montri rangbahdooh ka ri u Narendra Modi wa u montri ka chnat kaam pohyung ka ri u Amit Shah.

Da ong u wa hanla ka Congress ym em boon paaid ko ha Parliament tangwa em ko ki lok wa ya krehlang wow yakhun pyrchah ya ka BJP.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Heiyatoh won waka NRC, u Jairam Ramesh da pynbaad u wa i thmu wow pynkrehkaam yaka toh i kaam wa leh da ka BJP wa ka RSS kawa da wanrah hadooh i chah pyndik ya ki tre chnong ka ri.

Da ong wa kamwa da yoo ha Assam, da kam wa em da ki Million kiwa chong chnong pyrchah yaka aiñ tangwa hadien wa da leh ya ka NRC, da chem du 19 lak kiwa wan chnong chnong pyrchah yaka aiñ.

Katkam i ong u Ramesh, ka Congress ka kwah ko wa ka NRC toh u leh heitæ i rukom wa kiwa chnong chnong ri ym toh u chah pyndik wei ym pynyaphær ya kawon kawon ka jaitbru. Da kam u wa hapoh i synchaar ka BJP, ka thaaiñ mihsngi da kop diñ ko wei da maad ya ki eh ha kini ki sngi.

Ha iwi tawon i liang, uni uwa yahkhmat ka AICC da ong u wa kani ka sorkar jylla ym toh de wow pynslem chooh wow pynkrehkaam noh ya ka Meghalaya Residents Safety and Security Act (MRSSA) 2016 kawa da chna da ka sorkar Congress nachwa. Da ong u wa ka Congress ka kwah ko wow pynkrehkaam ya kani ka aiñ wei ya i emkaam wow pynkylla toh u pait hadien lada em kam itæ.

Ha i jooh i por, u Dr. Mukul Sangma da ong u wa ya ka MRSSA da pynman aiñ hadien wa da ya phyllu yumut bniah wei ka sorkar ym toh de u pynslem ko wow pynkrehkaam noh yaka.