Ka Congress wa thymme u krehlang ko waka sorkar MDA: Ampareen

Ki MLA ka Congress Legislature Party hapoh i yahkhmat yong ka Dr. M Amparen Lyngdoh ynne ka sngi da tyrwa markhmat ki ha u Montri Rangbah ka  jylla, u Conrad K. Sangma wow ya krehlang noh waka sorkar Meghalaya Democratic Alliance (MDA) neibynta kiwa boon ki kaam wa ktah ya ki paidbah yong ka jylla.

Hawa klam wa ki laad pathai khubor, ka Dr. M Amapareen Lyngdoh da ong ko wa ini toh ka Congress kawa thymme, kawa smat wow ya krehlang waka sorkar neibynta i bha ki paidbah, tangwa ym mut won wa ka Congress daw kohngooh lut ko yei duna kiwa ka sorkar ym yoo ko.

Da ong ko wa ka Congress man ko kawa smat wow ya krehlang waka sorkar neibynta ki phang kiwa da sahteiñ, kiwa kynthup yei pynkrehkaam ya ki Scheme wa toh i hok wow yoh cha ki paidbah, wow ya krehlang leh neibynta wow pynyoh ya ka Inner Line Permit, hajrong i dawa wow pynlait na ka Citizenship Amendment Act (CAA), i yoh tipmit ya i ktien Khasi wa Garo ha ka 8^th Schedule wei kamjooh hawa yatoh wa i pynbait ya u pood u ang wa ka jylla Assam.

Da ong wa ini i yachem yong ka CLP toh yow pynsñiaw ya ka khubor wa i por da toh ya ka seiñ Congress wa em hapoh ka yung dorbar chna aiñ ka jylla ha i rukom wa biang.

Related posts

Pynbna ka VPP ya ki kyrtong MDC ha ka JHADC wa KHADC

November 13, 2024

Kyntu ki seiñ ki jaitbru ri-loom ka Manipur wow dam u chibynta ha ka Election District Council

November 13, 2024

Iwa nyngkong dooh wa da tyrwa ka CLP ha u Montri Rangbah toh hawa yatoh wa ki Scheme neibynta i bha i miat ki paidbah kam ka Chief Minister Special Assistance Scheme, i pynkrehkaam ya ka Inner Line Permit, i pyrchah hajrong i thmu ka sorkar bei wow pynkrehkaam ya ka CAA wei wow yakhun neibynta wow yoh psiah hapoh ka 8 Schedule ya i ktien Khasi wa Garo.

Da yaklam leh yei wym chah khut cha ka yalang wow yaklam ya i kaam pynbait ya u pood u ang wa ka jylla Assam heiwa da pynche u Conrad wa da em i bakla wow pynpoi ya ka chithi.