15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Ka e sikai yow pynneh wow yada ya ka rymaw

0 Comments
Advertisement ad1

Jowai : Ka Jaiñtia Fishing and Environment Protection Association (JFEPA), Jowai ynne ka 18 tarik da pynman ki ya Awareness Programme hajrong ka phang “Protection & Preservation of Biodiversity in Jaiñtia Hills” ha District Library Auditorium, Jowai.

Da pynman ya kani ka Awareness Programme yow pynkynmoo ya ki paidbah yei emkaam u pynneh pynsah ya waroh ki jait mrad, jait dieñ wa waroh wa pynmih ka rymaw neibhah deiwa yada ya ki, man ko leh kam ka laad wow yada ya ka mynried ym du ya ka rymaw kamjooh leh ya ka jait bru waroh kawi.

Ya kani ka Awareness Programme da wan wai da u DC ka West Jaintia Hills u Arunkumar Kembhavi uwa da ong wa neiliang yong oo da yoh u boon ki ujor na ki paidbah hei yatoh wow yada ya ka wah Myntdu.

Neiliang yong oo da ong u wa da khang ya kiwa sait kari ha ka wah kamjooh ya ki thaw sait kari wa em cha jan ka wah. Kamjooh leh ong u wow pynbha pynmiat wei wow yada ya ki thaw uiñ sawari ki paidbah yow lait ki nei chah tympra.

U ma H.H. Mohrmen hei klam yong oo da khana wa nachwa ka wah Myntdu khamtam cha ki thaiñ Khapood kam ka chnong Kharkhana, ki tre chnong ong ki wa em palat 100 ki jait dakha wa im ha ka wah Myntdu.

Pteiñ u deiwa ong wa ka um man ko kawa kordor kamtæ emkaam ya ki aiñ wow yada ya ki neibhah hapoh ri-loom Jaiñtia lait noh na ka Myngot waroh ki wah wa em man ki kiwa da yap. I tynyap ya ki wah ym du nei tih ya ki marpohkhyndaw neibhah ki tngit ki jakhlia  kiwa mih na ki chnong ki thaw leh ktah joor ko ya ki wah.

JFepa2

Da e nongmuna wa kam ha ka Chnongpdeng wa kitre chnong pyrchah ki wow dai lilam ka JHADC ya ka wah, ong u wa lada yieñ i u yada ya ka rymaw ye i u wanrah yei kylla. Kamtæ toh u pynbor ya ka sorkar wow yada ya ki wah hapoh ka ri-loom Jaiñtia.

Ka kong Joplin Lyngdoh Fishery Officer, Jowai ong ko wa daw pynmih ya ka aiñ ka wow yada ya ki dakha ka wow klam che nadooh katwon heh ki jar wa ki jait dakha wa ye u khwe.

JFepa4

U Emida-oo Sumer, Lecturer St. Edmunds College, Shillong ong u wa lada ye i u maya ya ka rymaw kamwa maya i ya ki phone wa snaiw i wa ym ye i u im lada ym em ki, ka rymaw daw em i kyrmen ya ka.

U ma J.M. Pohsngap, IFS, Divisional Forest Officer (T) ong u wa emkaam i u kheiñ wa ka rymaw toh i ki tre yong ka kamtæ hap burom i ya ki aiñ bru kamjooh yong u Blai hei yatoh wow yada ya ka.

JFepa3

Ha kani ka sngi leh da yoh yei klam na ki khynroo puræ ka Kiang Nangbah  Government, College Jowai, Thomas Jones Synod College wa na Northeast Adventist College, Khliehtyrshi.

Da pynkut ya ka yalang da i kyntien khublei na u ma SK Lato.

Share this:
Previous

Ujor wa maham u tre ya uwa kreh

Next

Kyntu ka HNYF – ER ya ka JHADC yow pynsmat ko u e kot cha ka Company