March 18, 2016

Kyntu ka HNYF – ER ya ka JHADC yow pynsmat ko u e kot cha ka Company

Advertisement ad1

Jowai : Ka HNYF Eastern Region katkam ka khubor wa da pyllait da u President, u Lamsuk Langstang da pynsñiaw ko yei diaw wow yoo yei khaler kiwa kreh ha u sarok National Highway NH 44 nadooh Jowai – Malidor neibhah wa ka Balaji Construction ka wakreh ya utai u sarok ympu yoh ki ya ka Trading Licence wa ka Temporary Clearance Certificate kamjooh leh ympu dep u su ya ka baithaw næ Land Compensation cha ki paidbah.

“Kam ka seiñ kawa thrang wow yoo yei roi i par kyrpad joor ko yaka JHADC wow sñiawbha pynsmat u e ya ki kot wa emkaam ya katai ka Company khnang wa i kreh u lai bait i chakhmat kamwa da yooluti, wei kyrpad i ya waroh ar ki Deputy Commissioner yong ka West wa ka East Jaiñtia wow pynsmat u su yei bai thaw cha ki paidbah” da ong u Lamsuk Langstang.

Ka seiñ dawa ko na ka Company wow thung kreh ya ki tre chnong ha ki kaam wapher wapher kiwa ye ki trechnong u kreh yow myntoi ha waroh ki liang. Da kyrpad leh yaki paidbah waroh wow ya ksohkti heiwow krehlang waroh neibynta i suk i saiñ wei u yoh yei roi i par.