U Montri Rangbah ka jylla, u Conrad Sangma ynne hawa e jubab hapoh ka yung dorbar yei mih khubor wa ka la-ær ha Byrnihat toh kawa tngit wei kawa jakhlia dooh hapoh ka ri India, da pynche u wa waroh kiwa yoo yeini cha ki khubor toh kiwa chim da ka Assam Monitoring Station kiwa pynyoo wym em miat ka la-ær iwa tip kam ka Air Quality Index (AQI).
Tangwa da ong u wa manda pait ya ki Monitoring Station wa em ha Meghalaya wa ki tiar ki tar wa da booh, wei ha u bnai nyngkong uni u snem 2025, da chem wa ka la-ær toh kawa biang ha ki le tylli ki thaw booh ya kini ki Station wei em du kawi ka thaw wa rap sih (Moderate) wa wei ini leh man ko heijooh i por wa chim yukheiñ ka Assam.
Kamtæ da ong u waroh kiwa mih khubor toh kiwa da chim yukheiñ na Assam wei ym em wa pait yeiwa chim yukheiñ napoh ka Meghalaya we da toh leh u chim yeiwa chem hapoh ka jylla.
Tangwa da ong u wa kani ka thaw ym ye u ong wa man ka wym em jakhlia (Pollution) deiwa em kiwa boon ki karkhana.
Discussion about this post