Jowai: Ha ka yalang wow wai ya ka Digital Northeast 2022 ha Guwahati, ynne ka sngi, u montri rangbah ka jylla u Conrad Sangma da ong u wa hapoh ka jylla Meghalaya dang duna i poi ka Mobile Network lada wyrchaw wa waroh kawi ka ri wa kamjooh leh wa ki jylla ka thaaiñ mihsngi wei yeini toh wa tlot ki Telecom Service Provider (TSP).
Heijooh i por da ong u wa ka jylla toh kawa boon ki loom wei duna i yoh yarap ki TSP wow leh yei kaam yong ki kamjooh leh ki bru wa sah kylleiñ kylleiñ ha ki 6500 tylli ki chnong iwa ye u man leh i dooh nong ya ki TSP wow pynbiang lut ya waroh iwa emkaam ki paidbah.
Tangwa da ktah ko ya i yeiwa emkaam ki paidbah wow yoh Network kat chawa lai wei da sñiawngooh u yei yarap poisa ka sorkar pyrdi hadooh T. 3911 Klur hapoh ka “Comprehensive Telecom Development Plan” yow pynyoh Phone Network cha waroh ki chong wa ym yoh Network wei ka sorkar jylla leh u yarap ko wow pynman sakhiat ya ini i thmu.
Da kyntu u leh ya ka sorkar pyrdi wow chimkhia ko yeiwa da kular ko yow yoh myntoi ki bru ka jylla Meghalaya.
Discussion about this post