Ka NPP em ko ki yong ka hi ki yurim wow yada ya ki khian paaid hanla wan kyrchaan ka BJP, pynche u Prestone

U President ka National People’s Party (NPP) ha Meghalaya, u Prestone Tynsong da ong u wa ymtoh iwa phylla yei chah pynbaad wa ka NPP toh ka jooh waka BJP, deiwa pynrap wa kam kini ki pynbaad jooh mih bait heipor Election hanla i yong sakhiat ymtoh kamtæ neibhah ka NPP em ko ki yong ka hi ki yurim wow yada ya ki khian paaid wei wow pynneh ya ka riti ka dustur.

U Prestone da ong u wa ka Party ka pdiang sñiawbha ko yei tyrwa ka BJP wow kyrchaan ya ki kyrtong ka NPP, wei da pynche u wa ini i kyrchaan yong ka BJP ymtoh deiwa booh wa ki kyndon.

Da ong u leh wa ka NPP da lyngngoh ko ya ini i rai neibhah wa ka BJP em hi ko ki bru kiwa paan Ticket yaleh MP.

Chooh chooh da pynche u wa hanla ka BJP kyrchaan ko yaka NPP ha ka Election wei ka NPP emlang ko hapoh ka sorkar NDA, ym mut won wa ka NPP daw pyndam noh ko ya ki yurim wa ki phang krehkaam yong ka Party, tangwa u yada ko ya ki jaitbru ri-loom, ki khian paaid wei daw pynneh ya ka riti ka dustur wa yaka rukom mane Blai hapoh ka ri India waroh kawi. 

Related posts

Ki paidbah pynbor ki ya kiwa mihkhmat wow wan cha ki yalang tangwa chah khñium won lada pynemkaam Siren: Paul

November 18, 2024

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024