15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Wanrah naam wei burom ka khyllood na Jowai yaka ri-loom Jaiñtia
Ka thong yong ka ympu kut i du heini

0 Comments
Advertisement ad1
Advertisement ad1

Jowai : Ka Dukini Kyndiah kawa na Dulong, Jowai ha uni snem da wanrah burom ko ya ka jaitbru Pnar ha ka exam UPSC Civil Services deiwa man ko kawa samen na jylla Meghalaya wa lait ya kani ka exam deiwa yoh ka ya ka kyrdan wa 1043 na ki 1078 wa cha jied ha kani ka exam. Iwa mut da lait ki ya ka prelims kamjooh ya ka Personal Interview.

Ha uni u snem da em 499 ngut na ka General Category 314 ngut na ka Backward Caste, 176 ngut na ka Schedule Caste wa 89 ngut kiwa na ka Schedule Tribe kiwa da chah jied ha ki kaam Civil Service kam ki IAS, IFS, IPS wa kiwi kiwi.

Advertisement ad1
Advertisement ad1

Ka Dukini toh ka khon yong ka Roimon Kyndaih wa u khon u tynde u ma Leader Laloo uwa da khlad na pyrthai ha u snem 1997. Ka Dukini toh ka khon wa khaddoh na ki le ngut chi payu wa kynthup ya uwi u chynrang wa heh wa kawi ka payu kynthai. Ka Dukini da em ko 31 snem i rta wei da dep ko ya ka M.Com na NEHU ha u snem 2012. Hei por wa dang puræ ko da yaleh ko ya kani ka exam arsien heipor yow yoh ko u sñiawthooh ya kani exam. Hadien wa pyndep ko ya ka M.Com da lai ko cha Delhi yow leh coaching kamwa chi snem wei da kreh ko leh wa ka Prudential ICICI kamwa 11 bnai, tangwa da ieh ko yeini i kaam yow pyllai yumut du hei pynkhreh ya kani ka Exam. Ong ko wa heipor wa kreh ko yachem ko ya kiwa boon ki bru wa emkaam yaraap ha kiwa boon, kamtæ i thrang yong ka u lait ya kani ka exam dang joor i khnang yow ye ko u yarap ya ki bru.

Ong chooh chooh ko wa, ka ymtoh kawa jooh poi cha khmat hei puræ puthi, tangwa lada em i rai na mynsien yow poi cha ka thong ye u yoh yeiwa thmu wa mang. Hanlada kattæ leh ong ko wa kmen hi ko wa lait ko ya kani ka exam tangwa ym em hun ko yei kyrdan wa poi ko neibhah ym yoh ko u man IAS kamtæ daw yaleh biang ko sa chisien yow poi ko cha i kyrdan wa rap heh.

Ong ko leh daw pdiang ko katwa yoh i kaam kattæ, tang i pynkhreh yong ka yow man IAS daw lai i cha khmat neibhah na Jowai da em ka kong Isawanda Laloo kawa man IAS tangwa ka leh yaleh ko arsien yow yoh ko yei kyrdan IAS kamtæ ka kwah ko u bood yaki dak kjat yong ka.

Kwah ko leh yow pynchlur ya kiwa boon wow pyrchang ki u yaleh ya kani ka Exam yow man IAS neibhah ong ko lada ka ye ko, kiwa boon kiwi, ye ki u poi palat yeiwa ye ko.

Advertisement ad1

0 Comments

Leave a Reply