Shillong: U Montri Rangbah ka jylla Meghalaya u Conrad Sangma da ong u ynne ka sngi wa ka sorkar da e ko ya iwa bha tam cha ki paidbah ha kani ka khlam COVID-19 deiwa pynrap leh wa oo ym em u iyi i artatien neibhah wa da pep wow su T. 50 klur cha ki wakreh mylla wa T. 30 klur wow leh yaki COVID-19 Test.
Da ong u leh wa ka sorkar da leh ko katwa ye ha kini ki por wa da man kam ki por yaleh thma da katwa em ka sorkar iwa ym toh iwa pahooh.
Chooh chooh da pyntip wa kitu kiwa leh Quarantine da pynbiang yaki da ki baam wa bha, wei ki tiar yada ki PPE da ye ka sorkar wow pynyoh ha kitu ki por wa duna bha wa chna yaki wei da ye wow pyndap hadooh u Wisu (March) ha u snem wow wan.
Heiyatoh won waka RTI wa da yaleh ka Tur, da ong wa ha kani ka pyrthai RTI ym ye wow murieh iyi iyi leh.
