15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Ka sorkar kreh ko wow pynku yei sap ki khynroo khyllood: Ramesh Pokhriyal

0 Comments
Advertisement ad1
Advertisement ad1
Advertisement ad1

U Ramesh Pokhriyal ‘Nishank’, Union Minister of Human Resource Development da wai u yaka Anath Ashram Secondary School, Language Lab hapoh ka ‘Rashtriya Uchchatar Shiksha Abhiyan’ (RUSA) wa ya le tylli ki Incubation Centres /Programmes, ynnin ha North Eastern Hill University (NEHU), Shillong. Ya i wai u Union Minister da leh lyngba ka Online Mode (e-Inauguration) hei emlang u Lahkmen Rymbui u montri ka chnat puræ puthi ka sorkar jylla, u S.K. Srivastava u Vice Chancellor ka NEHU, ki sahep ka sorkar jylla kamjooh ki heh kiwa pait ya ki thaw puræ ka jylla.          

U Pokhriyal da yaroh u yaka NEHU wa da sdang ko ya kini ki Programme waki Incubation Centres wa kynthup ya kawi ka Agri Business Clinic ha NEHU Tura campus. Da ong u wa kini ki Centres daw yarap ki yaka Meghalaya haka puræ puthi wa haka rep ka riang. U Minister da kyntu u yaka NEHU kawa man ka thaw puræ kawa paw dooh hapoh ka jylla wow yah ko nakhmat haka puræ puthi, ka kamai kajih yow pynku yaka imlang sahlang ka Meghalaya. Da ong u leh wa ki bru ka jylla man ki kiwa khooid wei ki khynroo khyllood man ki kiwa em ya kiwa boon ki sap.

Da kdaw u leh ya kiwa boon ki kaam wa da pynkreh daka sorkar pyrdi ya kiwa lai puræ kamjooh ya kiwa sikai lyngba ka DIKSHA, Skill India, Start Up India, Make In India, USTTAD wa kiwi kiwi. Da ong u leh wa waroh kiwa da leh ka sorkar toh yow e yaka rynsan yow roi u paar, wei da yooluti u wa ki mar wa chna hapoh ka ri kamjooh kiwa em cha baar ka ri ki nong India daw mankaam ko lyngba ka ‘Make In India’. Da ban joor u yei emkaam wow pynlai yaw ya ki mar wa pynmih da ki bru na ki jar jiar ki thaw.

Da pynup burom u leh yaka Meaidabahun Majaw, kawa puræ Class IV ha Shillong kawa chna yaka Anti-Bullying Mobile Application. 

Neiliang u Lahkmen won da ong u wa ka sorkar jylla da booh ko ka rai wow pynku yaka puræ puthi hapoh ka jylla wei da e khublei u leh yaka sorkar pyrdi ya ki kyrchaan wa da e ko. Kamjooh u Vice Chancellor ka NEHU da pynsñiaw u yei sñiawngooh yaka sorkar India wa da kyrchaan ko ya ki kaam wa da sdang ka NEHU.

Share this:
Previous

Yachem ka KSU wa ka SBYWA neibynta wow yakrehlang ha thaaiñ khappood

Next

Kitbok kitrwiang ka WJDSA ya kiwa yalehke yong ka ki wow chimbynta haka Meghalaya Games