U Montri ka chnat Transport, u Dasakhiatbha Lamare da ong u wa hajrong i wanrah ya ka luti rel cha Meghalaya, ka sorkar da chem chitom bha ko nei pyrchah kiwa boon ki seiñbhalang, deiwa pynrap wa ka luti rel daw pynmyntoi wei daw pyndooh myntoi ko leh heijooh i por.
Hajrong i pyrchah ki seiñbhalang ya ka luti rel, da ong u wa ka sorkar ym em u kheiñstiñ ko neibhah wa em ki jar jiar ki yurim, wei ka sorkar daw bichaar ko ya ini wei daw hap ko leh wow chimkhia ya ki mat wa pynsñiaw da ki seiñbhalang.
Chooh chooh da ong u wa hadien wa da bichaar wei pait i sylli wa bniah hajrong i pynsñiaw ki seiñbhalang, lada i wanrah ya ka luti rel ym bha ko neibynta ki paidbah ka sorkar leh daw sangeh noh ko ya ini i thmu.
Hajrong ka thaw hiar lieñsuiñ, u Dasakhiat da ong u wa man i iwa emkaam bha wow wanrah chooh chooh ya ki lieñsuiñ kiwa wan kamai næ hær na ka jylla, tangwa emkaam chwa wow pynbha pynmiat ya ki khamtam wow pdiang ya ki lieñsuiñ wa heh.
Da pyntip u leh wa ka chnat daw chong yalang ko wa ki heh ka Airport Authority of India ha ki sngi wow wan wow pynbait ya iwon iwon iwa emkaam.
