Ka Thadmynri toh kawa em hapoh ka Elaka Nongjngi nadooh wa sdang, ong u MDC

U MDC ka Mynsngat Khanduli Constituency, u Dawan Lyngdoh kawa emlang ka Raij Namdong wa Thadmynri hapoh ka Constituency u, da pynsñiaw u yei sñiawkhia yei mih i kajia pood deiwa ong leh wa kiwa boon ki Elaka wa em hapoh ka JHADC ym pu ye wow pynbait pood ki.

Heiyatoh wa iwa jia ha chnong Thadmynri, da kyntu ya ki sahep wa ka EC u Thombor Shiwat kam u CEM wow sñiawbha ki wow chimkhia yow wanrah yei chongsuk chongsaaiñ khlem da pynhun hi-eh ya kiwon kiwon.

U MDC da ong u wa ka Thadmynri nadooh wa sdang ya ka leh em ko hapoh ka Elaka Nongjngi wei heitu i por leh ya kiwa chong chnong ka Thadmynri da tip ki kam ki Khynriam Loom neidaw wa wan ki na ki thaaiñ Khynriam kam na Nongkhroh, Umladang wei wot ki dong ki kyntoit ka Thadmynri leh da khut da kini ki jooh ki pyrtuid wei da wan ki na Elaka Namdong wei da chong ki ha ka Elaka Nongjngi.

U Dawan ong u wa ini i kwah ki wow psiah cha ka Elaka Nartiang man hi u lai ki bru katwa ya ka chnong, ka khyndaw u chyiap toh u neh ko hapoh ka Elaka Nongjng hi.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Kamtæ da kyntu ya u Caretaker ka Thadmynri kamjooh ya waroh ki lok ki jor wow pyrkhat arsien wei wow burom leh ya ka chnong, ka Raij wa ka Elaka wa e ya ki wow sdang ya ka chnong ki wei ym ye u len yeini neibhah da em i thoh i tar wa ka Elaka Nongjngi wa e bor wow chong chnong ki, ymtoh ka Elaka Nartiang.

Hajrong ini da ong u wa emkaam wow pynbait chwa ya u pood chwa wow kyrriah ya ki chnong ki thaw wei ymtoh wow leh jhan kamwa man kattæ neibha hap wow pait chwa ki kot ki sla neibhah wot ki Pata leh da e da u Dolloi ka Elaka Nongjngi.