U slap wa joor deilang ka la-ær wa rah da ka Cyclone Fengal, da wanrah ko yei chlai um ha kiwa boon ha Chennai ynnin iwa da jia ha ki 334 tylli ki thaw kani ka sorbah.
Da em leh soo ngut kiwa yap heiwa uwi na kiwa yap toh u bru wa toh bi ha uwi u sainar bordiñ wei yei metyap u da chem na tre kawi ka kor ATM ha thaaiñ Muthialpet ka Chennai uwa tip kam u Chandan uwa wan na jylla Odisha.
Katkam wa khana ki bru wa yoo yeini, da ong wa da wan u cha kani ka kor ATM yow sai poisa wei manda wai u ya ka dwar tæ tlær u wei da ksoh u ha uwi u chrot wa em hajan tangwa uni u chrot toh uwa da yabi wa uwi u sainar bordiñ wa tkut.
Ki paidbah wa em chajan da lai kit ki oo cha Hospital tangwa da pyntip wa da khlaad chwa u.
I joor u slap da wanrah ko leh yei hap wow khang ya ka Chennai International hadooh 4:00 waje ynne i step wei da antaad wa u slap daw neh u hadooh mynstep.
Da poor leh i Video wa pynyoo wa kawi ka lieñsuiñ ka Air Indigo wa pyrchang ko wow hiar ha kani ka Airport tangwa mar ya toh ki chaka ha khyndaw da hap hær biang neidaw wa joor ka la-ær wa bæh.
Discussion about this post