U President ka UDP u Metbah Lyngdoh da ong u wa ka UDP ka yieñ bait ko ha ka yurim kamwa da dep nachwa ha u montri rangbah wa ha u symbood montri rangbah pyrchah ya u montri ka chnat kaam pohyung, u James K Sangma hadien wa da chah pynbaad wa emkti u wow elaad yei pynlai mooyong pyrchah yaka aiñ kamwa da mih ha ki laad pathai khubor ini wa dep.
Hawa klam ynne ka sngi, u Metbah da ong u wa daw yaklam biang lada emkaam neibhah wa ka UDP ka yieñ ko ha ka yurim wym toh u elaad ya ki kaam bamtooh kamwa da pynsñiaw ha u montri rangbah rap nachwa.
Rap nachwa, ka UDP da dawa ko na u montri rangbah wow chimkhia u pait wa ka kaam khayi mooyong pyrchah yaka aiñ, wym toh u jia de wei da dawa wow pyndooh noh ya u James K Sangma ya ka chnat kaam pohyung ka jylla.
Tangwa ynne ka sngi, u montri rangbah da yaroh u yaka chnat kaam pohyung wa ya u montri kaam pohyung wa kani ka chnat da leh bha ko wow pyndep ya i bynta.
Discussion about this post