Shillong: U MLA ka BJP na North Shillong, u Sanbor Shullai deilang wa u General Secretary ka Shillong Cantonment Area Development Committee, u Bipen Pradhan da kyntu ki ya u montri rangbah ka Meghalaya, u Conrad K Sangma wa ya ka sorkar wow tuklar yow pynyoh ya ka madan Kirkit (Garrison Ground) neibynta u pynemkaam lang ki paidbah.
Ha ini i yachem, u Sanbor da ekti u leh da ka dorkhat ha u montri rangbah hajrong kani ka bynta yow kyntu leh ya u Conrad wow rah u ya kani ka phang wei wow yaklam wa u Union Defence Minister, neibhah kamwa man katni, ki chipai ym chah ki ya ki paidbah wow pynemkaam ya katai ka madan kamjooh yow pynkrehkaam ya ki Municipal Bylaw ha ki thaw Shillong Cantonment Area.
U MLA da pynsñiaw u leh hakhmat u montri rangbah wa rap nachwa wa em ka kyrpaad wow pynemkaam lang ki paidbah ya katai ka madan tangwa ym mankaam ko. Da kyntu u leh yaka sorkar jylla wow yasoi noh da ka Memorandum of Understanding (MoU) wa ki bor chipai yow pynemkaam lang ki chipai wa ki paidbah ya katai ka madan neibhah wa ki chipai ym em daw ki wow ksoh yaka madan kawa em ha pyrdi sor kawa man leh yow mynoitlang ki paidbah wa ki chipai.
Discussion about this post