Kam ka VPP wa em ki MLA wa yoh thaw hapoh ka khloo wa da yada da ka aiñ

Ka Voice of the People Party (VPP) da dawa ko wow takit ka EC ka KHADC wa yahkhmat da ka VPP hi hajrong i chah pynbaad wa em ki MLA wa yoh thaw hapoh ka Law Mawpat kawa jooh tip kam ka Law Syiem kawa da pynbna kam ka khloo wa da yoh yei yada ha u snem 2014 katkam ka aiñ.

Neiliang kiwa yahkhmat ka VPP da lai hiar ki cha kini ki khloo wa da yoh yei tipmit kam kiwa emkaam wow yada heiwa neiliang u President ka VPP, u Ardent Basaiawmoit da ong u wa da em wa pyntip cha ki wa em ki MLA da yoh thaw hapoh ka Law Mawpat wei daw phah ki ya ka KHADC wow takit yeini yow chem yeiwa sakhiat.

ADVERTISEMENT

Da ong u wa lada toh iwa sakhiat ini, da man i i wym ye u pdiang wei daw pyrchah yeini neibhah kiwa boon ki bru chem chitom ki wow yoh thaw yow chna yung katwa ki MLA da yoh ki dei thaw hapoh ki khloo wa kyntang kiwa da toh u pynneh pynsah neibynta ka juk wa daw wan.

Ini i pynbna ya kani ka khloo kam ka wow yada “Law Adong” toh iwa da leh ha ka Naiynru u 2014 heipor wa man CEM u Ardent ha KHADC deiwa ya soi soskular wa u Syiem warim ka Mylliem, u (L) Latho Manik Syiem.

Related posts

Pynche ka JHADC wa thung hi ko ya u Sevenborn Tang kam u Agent wow pynlai ya ki Forest Revenue Station

July 16, 2025

Noh ka kynthai ya i khon wa dang dep kha napoh ka Bus wa dang lai

July 16, 2025

Neiliang u heh ka VPP da pylla u leh yei em boon ki jait wa da chna hapoh kani ka khloo wa da yada hadooh wa em kiwa da khloh noh ya u mooyurim wa da kdaw yei pynbna ya kani ka khloo kam ka Law Adong ha u 2014.

Da phylla u leh wow yoo yei em wa chna sarok hapoh kani ka khloo deiwa pynrap wym em pyrchah yei roi i paar tangwa emkaam wow tip lada yoh bor na ka KHADC wa na u Syiem Mylliem.

U Ardent da khut u leh ya kiwa chong chnong wow chim ki yei kitkhlieh wow yada ya kini ki khloo wei sñiawskem u wa deiwa yahkhmat da ka VPP ha KHADC daw ye wow leh yeiwa emkaam neibynta i bha i miat ki bru deilang ka rymaw.