Kam u ksaw wa pyndem tdong yut ka Pakistan, ong u heh warim ka US  

U heh warim ka Pentagon ka sorkar USA, u Michael Rubin da ong u wa ka India da ye ko wow siat wei da tne sbak ya ki thaw wa em wei pynemkaam ki Terrorist wei da ye ko leh wow jubab yeiwa da leh ka Pakistan hadooh wa ka Pakistan yut ko kam u ksaw pyndem tdong ha khap kjat hadien wa da ye ka India leh wow siat ya ki thaw pynemkaam ki lieñsuiñ ki chipai ka Pakistan.

U Michael Rubin uwa man katni kam u Senior Fellow ha ka American Enterprise Institute, da ong u wa ki chipai ka Pakistan ym ye ki wow yada pyn da ki ya ki wei da rem ki wei i jop da lai ko cha ki chipai ka India wei kamjooh leh hawa pynemkaam ya ki kyntien yow klam yei kyrchaan ka Pakistan ya ki Terrorist.

Da ong u leh wa hawa yoo ya ki heh chipai wa ki heh sorkar ka Pakistan wa lai tlep ki ya kini ki Terrorist pynyoo ko wym em yaphær lada man ki kam ki chipai næ ki dkhot ka ISI ha Pakistan. Wei kattu ka pyrthai da dawa ko wow phut na tre ya ini i kjut ka Pakistan iwa mut ka India da ye ko wow pynkylla yei rukom pyrkhat ka pyrthai kamjooh da pynkhyrngiat ko ya ki chipai ka Pakistan deiwa leh ko.

Chooh chooh da ong u wa oo man u kam u Historian uwa tip yeiwa dadep jia wei da tikna leh wa ka Pakistan bait wa sdang ya ka thma wei da ngait bait ko wa ka wa jop tangwa ha kani ka kynti ymtip u kammon u ye u Pakistan wow ngait wa ka wa jop ya kani ka thma wa soo sngi wei i daw hi toh wa ka India da ye ko wow siat ya ki thaw wa da mut da mang ko deiwa ye u tympra ya ki Terrorist Headquarter wa ki Training Camp ki.

Related posts

Da booh ya u mooyurim yow chna ya ka Indigenous Cultural Centre ka Seng Khasi Kmie hei lut wa ₹15 klur

May 15, 2025

Yoh kreh 37 ngut kiwa sikai ka Captain Williamson Sangma State University

May 15, 2025

“Hawa ka Pakistan e ko yei jubab, ka India da ye ko wow siat kylla, wei manda pteiñ ka Pakistan u siat, ka India da ye ko wow siat ya ki thaw pynemkaam ki lieñsuiñ ki chipai ka Pakistan wei hadien ini da wan ki wow paan yasuk deiwa sangeh yasiat kam u ksaw wa da tieñ uwa pyndem tdong ha khap kjat. Wei ym du ini, ka Pakistan ym ye kow wow batai wei wow pynskit yeiwa da jia yow ong da kamwi neibhah wa da rem sakhiat ki deiwa toh rukom. Kattu won ka yukylli wa da mih toh iyi u leh ka Pakistan neibhah em i kjut ha ki chipai ka Pakistan wei kam ki chipai toh ki wym biang, lada u Asim Munir u ksoh u yei kaam u? Wei lada i sarong ki General ka Pakistan daw ktah ko ya waroh. Iwa emkaam wow leh ka Pakistan toh wow pynkhooid noh yei yung ko,” da ong u Rubin.