Shillong: Uwa sikai u Kular Khongjirem uwa man leh kam uwa yahkhmat ka Khasi Jaintia Deficit Schools Teachers Association (KJDSTA) da ong u wa neiliang kiwa sikai smat ki wow hikai lada ka sorkar pynmih hukum ko wow wai noh ya ki skur kamwa jooh man.
Hawa klam ynne ka sngi u da ong wa ym toh iwa suk wow rai næ phah wai ya i sur, wei katkam wa pyntip u, kamwa 50% ki bei ki pa ym pu kwah ki wow phah ya ki khon cha ki skur khamtam ya kiwa dang khian.
Da ong u wow rai ya iwa khaddooh hajrong ini i kaam chong ko ha ka sorkar wei neiliang kiwa sikai ki da pynkhreh ki wow sdang ya ki skur.
Hawa yatoh wa ki khynnah Class X kiwa hap wow pynkhreh ya ka Board Exam, u Kular da pyntip u wa em i eh kajiak hanla kiwa sikai da pyrchang ki wow yarap lyngba ki Online Class neibhah kiwa boon ki khynnah ym biang ki Network Internet yong ki wei em ki wym ye wow thied da ki tiar wa syad.