Shillong: U Prestone Tynsong uwa man leh u Symbood Montri Rangbah ka jylla, ynne ka sngi da ong u wa i psiah yong ki bru wa na baar cha ka jylla hadooh kattæ, ka sorkar ka dang pynkhor hi ko yaki kyndon ya kiwa wan kiwa hap wow lai lyngba ki khyrdop wa da booh da ka sorkar.
Hawa klam ynne ka sngi, da ong u wa ka sorkar da booh ko leh ya ki laad wow pyntip chwa lada em kiwon kiwon ki bru wa wan cha ka jylla, lada toh kiwa sah ha kani ka jylla næ kiwa wan du neibynta ki kaam.
Da ong u wa i e laad yong ka sorkar wow psiah lyngba ki khyrdop chapoh ka jylla toh wa ka jylla emkaam noh ko wow lai chakhmat kamwa jooh man khamtam yow em biang i yoh i kot wei yow lait u em de i chah ktah ha i im wa man-ka-sngi, wei neibynta ini, ka sorkar ye ko wow pynyinsur chooh chooh ya ki por wow wan.