Ka Jowai man ko kawi na ki chnong namo ki District Headquarter wa da rim dooh hapoh Ri-loom Jaiñtia wei katkam wa yah i por da man ko kawi na ki chnong wa da chah ieh khonswet ha ki sorkar da ki phaw snem kattu nadooh i roi i paar wa i kynjoh yei stat iwa katkam wa yah i por.
Katni nawon kamwa yah i por da kdong ya ini i stat dei angnood wa i yooluti wow yoh ya ini i stat du na ka sorkar donhi.
Ynne ka sngi neiliang u montri rangbah ka jylla, u Conrad Sangma da chong yalang u wa ki sahep pynroi sor ka jylla heiwa da yaklam hajrong i pynkylla dur ya ka Jowai wa ka Tura.
Katkam wa yoh yutip neiliang ka sorkar jylla angnood wei thmu ko wow pynkylla ya ka Jowai wa ka Tura wow man ki kam ki Model Town namo wow man ki kam ka nongmuna ya kiwi tawon ki chnong wa heh hapoh ka jylla.
Ka yutip wa da yoh, da ong leh wa ka sorkar jylla da jied ko ya ka Jowai wa ka Tura wow man ki kam ki Smart Town heiwa daw pynkylla yei dur wei man yong ki hei lut iwa T. 50 Klur kawi ka chnong.
Heijooh i por da ong wa ki kreh wa da thmu wow wanrah hapoh kini ki Smart Town kynthup ki nadooh ki sarok, ki luti lai-kjat, ki thaw uiñke wa kiwi kiwi.
