U Montri wa pait ya ka chnat Tourism ka jylla Meghalaya, u Paul Lyngdoh da ong u wa i wan yooh kjat kiwa uiñke suwari cha Sohra da nang ku wot hapyrdi i chah pynbaad wei pynbood naam nei chah pynyap uwa wan uiñke suwari uwa na Indore, u Raja Raghuvanshi.
Katkam i ong u Montri, i wan yoohkjat ki Tourist da yooluti wow poi hadooh 20 lak hadien yong ka Cherry Blossom Festival kawa daw man ha ki bnai wow wan.
U Paul da ong u leh wa wot heipor wym pu em mih pyrthai yeiwa jia ya u Raja wa da chah pynyap u, kiwa uiñke suwari wan ki kamjooh hi wei kattæ i pyrtuid ka Meghalaya da khooid i na ini wa jia, i wan ki bru daw nang ku chooh chooh i wei da yooluti wa daw poi hadooh 20 lak manda pynman ya ka Cherry Blossom Festival.
Heijooh i por, u Montri da khana u wa ka chnat dadep ko wow pynmih yei pynbna wa da khut ya ki khynroo khyllood kiwa tip u klam Khasi, Garo, English wa Hindi yow wan ki wow psiah hapoh ka Tourist Buddy Scheme wei hapoh kini ki ar bnai wow wan daw ye wow thung kaam da ki spah ngut ki Tourist Buddies.
Discussion about this post