Jowai: U CM ka Assam u Sarbananda Sonowal ynne ka sngi da kaweh lama u yaka leiñsuiñ wa nyngkong kawa hær na Guwahati cha Dhaka lyngba ka SpiceJet hapoh ka International Air Connectivity Scheme ha LGBI Airport, Guwahati.
Kani da leh hapoh ka UDAN International, wa yahkhmat da ka sorkar Assam deiwa yarap poisa T. 100 klur wow sdang.
Ka UDAN International man ko kam wow pynyar yaka UDAN Scheme kawa da pynkrehkaam ka sorkar pyrdi wow e laada ya ki bru wow lai luti ki da ki leiñsuiñ na kawi ka chnong wa jan cha kiwi kiwa ym toh ki sorbah heidor wa duna heiwa iwa tam daw su daka sorkar.
Ini i sdang wow hær na Guwahati-Dhaka man ko leh kam chibynta ka Act East Policy yow pynskem yaka Guwahati kam ka chnong wa pyrdi yow pynyabi leh ya kiwi ki ri hapoh ka South East Asia.
Ha kani ka sngi da emlang leh u Bangladesh Assistant High Commissioner ha Guwahati, u Dr. Shah Mohammad Tanvir Monsur, ki montri wa kiwi kiwa da chah khut sñiawbha.
Hawa e yei klam u CM da kdaw u wa ini daw yarap ko wow pynku yaka kahyi pateiñ wei i yatoh lok ka India waka Bangladesh.
Da ong u leh wa kanti ka Guwahati da man ko kawi na ki sorbah wa smat dooh wow heh wei neidaw wa em ka thong u PM u Narendra Modi wow pynkylla yaka thaaiñ mihsngi deiwa pynbiang yaki luti ki syngkeiñ, ka thaaiñ North East daw lai ko chakmat kam kawi na ki thaw wa khlan haka kahyi pateiñ hapoh ka pyrthai hadien da ki phaw snem da mylliñ yaka.
Discussion about this post