Kem ka Seng Samla Malki ya soo ngut ryngkat wa i drug

Shillong: Ki dkhot ka Seng Samla Shnong Malki ynne i step, heipor kamwa 11:30 da ksoh ki ya soo ngut ki khynroo wa suba joor wa man ki kiwa pynemkaam ya u drugs wei ya kini da kem na kawi ka Hostel wa em ha Malki-Dhankheti.

Ka seiñ hadien wa booddien ko ya kini ki bru, ynne ka sngi da kem ko ya ki wei da khyrrup leh ya i drugs Heroins wa khia 1.07 gram ryngkat wa boon tylli ki dabi golden wei hadien ini da ekti ya ki cha ki pulit ka Anti Narcotic Task Force (ANTF).

Kini ki soo ngut da tip kam u Marius D Sangma 18 snem, u Kordor Riangshang 21 snem, u Sonam Lama 20 snem wa u Lambert Bernard Mawthoh 21 snem.

Katkam wa ong ki dkhot ka seiñ, hadien wa yoh yutip ki ya kini ki bru da kem ya ki heipor wa thmu ki wow ya dih drugs. Neiliang ka seiñ da ujor ko leh pyrchah ya kini ki soo ngut ha Laitumkhrah Police Station.

Related posts

Chah kem u Police Inspector wa baam poisa na u hehspah deiwa maham

January 31, 2026

Yap soo ngut ki khynroo na Assam ha iwi i kamra ha Bengaluru

January 31, 2026

Neiliang ka seiñ da maham ki ya kiwi tawon wow kiar ki wow leh na kam kini ki jait kaam wei lada chem ya ki daw pynchitom ya ki katkam ka aiñ.