Kem ki pulit ya ki 13 ngut kiwa tih mooyong pyrchah ya ka aiñ na EJH

Jowai: Katkam wa pyntip ki pulit ha ka 8 tarik uni u bnai heipor 11 waje i step heipor wa lai ki Magistrate deilang wa ki pulit wow sylli yei tih mooyong pyrchah ya ka aiñ ha Dkhiah, West (EJH) da yoh kem ki ya ki le ngut u Abdul Hussain Barbhuya, u Sahabaj Alam Barbhuya wa u Nassimuddin, heipor wa dang tih mooyong ki pyrchah ya ka hukum ka NGT.

Ha kani ka jooh ka sngi ki pulit na thaaiñ Umshong, EJH da kem ki ya 5 ngut wa kynthup ya u Sabir Hussain (24 snem), u Saidur Rahaman (28 snem), Md. Sahid Uddin (30 snem), Abdul Salam 33 snem wa u Hasmat Ali, heipor wa dang sai um ki naka paar mooyong. Ki pulit da kem ki leh ya kawi ka Pump um, 170 ki Gelatin Sticks wa 160 tylli ki Detonators.

Related posts

Thooh ki pulit ya kiwa tooh na iwi i dukan

June 6, 2026

Chah slaitbor kawa dang 17 snem kawa kreh ha iwi i yung ha Shillong wei chah beh kreh leh ka bei ko

June 4, 2026

Ha ka jooh biang ka sngi ki pulit da kem ki na thaaiñ Jalaphet Lad-Kyrluh, EJH naka paar mooyong wa thymme wei da kem leh ya u Sordar wa tip kam u Nazarul Islam. Da pyntip leh wa ki tre kani ka paar mooyong toh u Tillerson Syad wa u Enjoywell Syad katwa u Aiban Bareh won toh u Manager.

Ha ka jooh hi ka sngi naka chnong Musniang, EJH ki pulit da kem ki ya ki 4 ngut ki bru kiwa tih mooyong pyrchah ya ka aiñ wa kynthup ya u Pradip Lama, u Binod Gurung, u Gopal Sherestha wa u Ruben Rai wei da kem leh ya kawi ka Pump um.