Ki pulit ka East Garo Hills na Rongmil Outpost da yoh ki wow kem ya ki soo ngut ki khynroo kiwa da emkti wow lute bru ha u sarokbah heiwa ki pulit da lai kem ki ya kini na ka chnong Mejolgre Chekjongbra hei step synyaw ka 26 tarik uni u bnai.
Ha ka 24 tarik ki pulit da yoh ujor ki na u Principal ka Danal UP School wa heipor wa oo deilang wa kiwi poi ki ha A’brong da chah yang khap ki ha ki 6 ngut ki bru kiwa da tooh ya ki Mobile Phone yong ki wei ini i thaw wa jia toh iwa em hajan ka Wageasi OP hajan u pood waka North Garo Hills District.
Heiyatoh wa ini, ki pulit da yoh ki yei pyrtuid ki soo ngut kiwa da suba wa emkti ki ha ini i kaam lute.
Ki pulit ka Rongmil da kem ki ya soo ngut na ka chnong Mejolgre wei da chem ki leh ya ki Mobile Phone wa chah tooh. Wei ya kini kiwa chah kem da rah cha Rongmil OGC yow pynman ya ka takit.
Kini kiwa chah kem da tip kam u Tillingbirth M Sangma, u Walak M Sangma, u Tengsan R Sangma wa u Chingrak M Sangma kiwa waroh na ka chnong Mejolgre Chekjongbra.
