Khang ka AJSU-CB wa ka FAJP-CB yei kreh ya u sarok Pasyih-Pamluti-Pammanik

Jowai: Ki ar seiñbhalang kiwa kynthup ya ka AJSU wa ka FAJP dalai khang ki yei kreh ya u sarok Pamluti-Pammanik hadien wa ujor u Secretary Chnong ka Pasyih u Kyrshanmiki Siangshai wa ki kattu katni ki Executive Member ka chnong wa ym biang i chna ya uni u sarok wei ym biang i psiangwei u moochip leh da uwa pum-pum wei manda ujor ki cha u Contractor leh ym ngait u.

Ki ar seiñ da ong ki wa hadien wa lai sylli ki ya uni u sarok da chem ki yeiwa sakhiat katkam wa kam ka chnong Pasyih kamtæ kini ki ar seiñ da phah sangeh ki ya i kreh ha uni u sarok neibhah lada kreh kamni daw smat sih u.

“Ym kwah i wa ki paidbah u kmen ki du chipor donhi wa yoh sarok ki, wei kwah i wa u suk i lai i wan ki paidbah deiwa rap slem” da ong ki ar seiñ.

Hadien ini dalai yachem ki ya u Contractor wa chna ya uni u sarok u Paia Suchiang wow leh u katkam u moochip wa toh u kreh ymtoh da uwa pum-pum wei neiliang yong oo leh da kular u wow pynkreh u da u moochip uwa miat.

Related posts

Kyntait u Bindo Lanong wym em kyrchaan u ya ka khon u ha kani ka Election MDC

February 25, 2025

100% sñiawskem u Madonbai Rymbai wow man kam u kyrtong wow jop

February 21, 2025

Heijooh i por da lai yachem ki leh ya u EE PWD u Dawhoi Langstang wa ya ka SDO wow tuklar ki yeini wow kreh bha u Contractor ya uni u sarok neibhah u Contractor ymtoh u leh u du wow myntoi samen hi-eh.

Neiliang u Langstang da pynsñiaw u ya ki ar seiñ wa daw leh u yeiwa emkaam neibynta i bha i miat, deiwa e yaroh leh ya ki wa da leh ki yeini chwa wow dier i por wei yow lait ki Contractor u chna khaler ya u sarok.

Da ong ki leh wa lada smat sih u sarok uni u Contractor toh u bahkhlieh u yeini.