Khang ka KHADC wow pynemkaam Plastic hapoh u pood u ang yong ka

Jowai: Ka KHADC ynne ka sngi lyngba u CEM yong ka da pynmih hukum ko wow khang yei pynemkaam Plastic hapoh u pood u ang wa haap hapoh ka Council.

Ya kani ka rai da chim neidaw wa da joor palat i pynemkaam ya ki Plastic ha ki dukan, ha ki yaaw ki haat wa kiwi kiwi de ki thaw iwa da wanrah yei sahkut ki dooid, i tngit ki um ki wah iwa da ktah leh yaka chait ka khiah yong ki bru, ki mrad wa ki doh wa im hapoh um.

Kamtæ ka KHADC haka yalang wa pynman haka 10-09-19 da chim ko yaka rai wow khang lut ya i pynemkaam ya waroh ki jait Plastic hapoh ki Syiemship, ki Sirdarship, Lyngdohship, Wahadarship wa kiwi ki thaw wa em hapoh i pait ka Council.

Ka Council da chim ko wow khang ya ki Plastic katkam ki kyndon ka Environment (Protection) Act, 1986 waka The Plastic Waste Management Rules, 2016.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Kani ka hukum u krehkaam ko chisyndon wei kattu waroh ki thaw wa haap hapoh ka KHADC u tip ya ki leh kam ki ‘NO PLASTIC ZONES’.

Da kyntu ya waroh nadooh ki tre dukan, kiwa chong dai cha rood sarok wa waroh wow bood ya kani ka hukum.

Ya kiwa leh pyrchah daw pynchitom yaki katkam ka aiñ.