Lait kreh ha Jowai Public School wa ha Kiang Nangbah Govt. HS School

Ka District Education Officer ka West Jaiñtia Hills District da pyntip ko wa lait kreh Assistant Lecturer ha Jowai Pubilc School, Jowai wa ha Kiang Nangbah Government Higher Secondary School, Jowai.

Ha Jowai Public School da em 7 tylli ki kreh wa lait, kitæ ha ka Subject English ar tylli wa mar iwi ha ka Political Science, Sociology, Economics, History wa Psychology.

Ha Kiang Nangbah Government Higher Secondary School won em ar tyll ki kreh wa lait heiwa kawi toh neibynta ka Day Shift wa kawi neibynta ka Evening Shift neibynta ka Subject Khasi.

Kiwa yaleh kreh toh u man ki kiwa da pyndep ya ka 2^nd Class Master Degree ha jar jiar ka Subject ki deiwa em leh wa ka B.Ed.

Related posts

Em u MLA warim uwa wan thied thaw ha thaaiñ wa em Uranium | Yow tih Uranium, ong ka KSU

July 5, 2026

E khublei Behdieñkhlam wa suk wa kmen ka JSM ya waroh

July 5, 2026

Kiwa kwah wow yaleh kreh hap ki wow pyndap ya ka Standard Form katkam wa da kdaw hapoh ka Part-XI ka Gazette of Meghalaya wei ini i kreh man ko neibynta ka Contractual Basis.

I rta man ko 32 snem hadooh ka 01-01-26 wei daw pynyinsur 5 snem neibynta ki ST.

Ka tulop man ko Rs. 40,000 chi bnai wa Rs. 15,000 chi bnai neibynta ka Evening Shift.

Kiwa yaleh kreh hap ki wow pynpoi ya ka Application deiwa boohlang wa ki Phone Number cha ka yung krehkaam ka District School Education Officer, West Jaiñtia Hills District, Jowai ha lane chwa ka 24 tarik u April 2026.

Ki Application ki wym biang daw chah kyntait ki.