U Pema Khandu da kreh u wow man biang kam u Montri Rangbah ka Arunachal Pradesh sa chisien hadien wa jied biang ya oo kam uwa yahkhmat ka BJP Legislature Party hapoh ka jylla.
U Khandu ynne da lai yachem u wa u Lat ka jylla, u K.T. Parnaik yow chna sorkar deilang wa ki Montri u wei daw chim smai ki mynstep ka sngi.
U Pema Khandu u yahkhmat biang u ya ka sorkar BJP ha Arunachal hadien wa jop ki 46 ngut ki MLA na ki 60 tylli ki Constituency.
Ka NPP won da jop ko 5 ngut ki MLA, ka NCP 3 ngut, ka People’s Party of Arunachal da jop ko ar ngut, ka Congress uwi wei da em leh 3 ngut ki kyrtong samen kiwa jop.
Discussion about this post