Khut ka JAC ya waroh kiwa em kari kamai wow ya wan cha ka sngi pynkup burom

Ka JAC kawa kynthup ya ka Jaintia Hills Truck Owner Association (JHTOA) wa ka East Jaintia Hills Truck Owner & Transporter Association (EJHTOTA) ynne lyngba u Chairman yong ka, u Biangshwa Shylla wa u Secretary, u Kyrshan Dkhar da pyntip ki wa da em i ya pynbait wow pynkup burom ya u CM, u Conrad Sangma wa ya ki ar ngut ki Deputy CM, u Prestone Tynsong wa u Sniawbhalang Dhar uwa man leh kam u Transport Minister yeiwa da wanrah ki ya ka One Time Settlement Scheme yow maap ya ka bai kot kari kamjooh ki kuna kiwa da lang da boon snem.

Kamtæ da pynbait wa ha ka 1 tarik u July 2026 daw pynman ya kani ka pynkup burom ha State Central Library heipor 11:00 waje i step.

Hajrong ini da khut ya waroh kiwa em kari kamai nadooh ki Truck, ki kari khian waroh hapoh ka jylla wow wan ki u ya mihlang ha katai ka 1 tarik yow pynkup burom yeiwa da lehbha ka sorkar.

Da kyntu leh wow booh cha rood ya waroh i sñiaw yaphær wei da khut sñiawbha leh ya ki seiñbhalang.  

Related posts

Jop biang u Mayalang Pakem ya ar tylli ki takma ksiar ha ka yakob pynyoo heh dohksah | Yoh u leh ya ka Pro-Card

June 25, 2026

Ujor ka Ladrymbai-B SC cha ka MCA yow pynsangeh ya ka yalehke Final wa daw pynman ka EJDCA

June 25, 2026