Ki bru wym tipmit ynnin i miet ka sngi Bibar da lai khyndang ki ya ka khian dwar wa em nadien wei da tympra ki leh yeiwa kær dei naar yong ka State Bank of India Umiam Branch kawa em ha ICAR, Ri-Bhoi District hajan u sarok Shillong Bypass.
Ya ini wa jia da chem da kiwa kreh ka Bank ynne heipor wa wan kreh ki wei da chem ki wa kini kiwa tooh da tympra ki ya kani ka khian dwar wa iwa da kær da ki naar ha kani ka Bank heiwa da yoh ki leh u psiah chapoh.
Kini kiwa tooh da pyrchang ki leh u khloh yei thaw booh poisa deiwa tih yei kynroh wa em ka thaw thap poisa tangwa ym ye ki neidaw wa skem kani ka thaw booh poisa kawa da ka naar.
Mar ya chem yeini, kiwa kreh ka Bank da pyntip noh ki wut-wut cha ki pulit ka Umiam Police Station kiwa da wan yow pynman yei takit yow chem ya ki sabut wei da wan leh ki bru chemphang ka Crime Branch yow yoh u thooh bniah wei wow booddien yeiwa jia.
Hadooh wa pynmih khubor, neiliang ki pulit wa em ha kani ka Bank dang pynman ki yei takit.
Discussion about this post