Kawa yahkhmat yong ka Congress Legislature Party (CLP) da ong ko wa ki 11 ngut ki MDC yong ka Garo Hills Autonomous District Council (GHADC) kiwa da lai wow psiah cha ka All India Trinamool Congress toh ki langbrot yong u Dr. Mukul Sangma.
Da ong ko wa ki MDC kiwa jop ha GHADC toh kiwa da pynjop da u Dr. Mukul wei ka Party ka tip ko wa da em i leh chiliang ha i por wa e Ticket wei da mih leh ka kynrum kynram hachwa wow yakhun ya ka Election. Da ong wa ya kiwa da lai wa u Dr. Mukul e u lai ki, tangwa ka Congress u pynchna biang ko ya ka Party nadooh na tre deiwa skem yumut wei pyrkhat.
Hawa kylli kammon ka Congress daw leh ko ya ki MDC ka JHADC wa KHADC wow kær dieñ kpær, ka Dr. Ampareen da ong ko wa i khroh wa i yataan dang lai i, tangwa ka Party ka ieh ko hei stat yong ki MDC neibhah ki da man chwa ki kiwa yahkhmat paidbah. Da ong ko wa man iwa eh ya ka Party wow kdoh u khoom neibhah ha ki Autonomous District Council ym em kyndon wow khang yei kynthiar seiñ.
Puræ leh: Yut lut ki MDC ka Congress ha Garo Hills yow psiah Trinamool
