theme-sticky-logo-alt
theme-logo-alt
Advertisement ad1
Advertisement ad1

Ki 12 tylli ki thaw wa yakajia ym haap ki hapoh ka jylla Meghalaya: KP Pangniang

Advertisement ad1
Advertisement ad1
Advertisement ad1

Ka Hill State People’s Democratic Party (HSPDP) da kyntu ko ya ka sorkar wow pynbait ya u pood u ang hajrong ka yurim wow chim yei sñiaw yong waroh kiwa embynta lang (Stakeholder).

U KP Pangniang uwa man u President ka HSPDP da ong u wa katkam ka yutip yong oo, ki 12 tylli ki thaw wa yakajia ym haap ki hapoh ka jylla Meghalaya, neibhah katkam ka North East Re-organisation Act, 1971 da klam che ko wa ym em kdaw ko wa ka Meghalaya toh ka khappood wa ka Assam, tangwa da klam bait wa ka United Khasi-Jaintia Hills District wa ka Garo Hills District daw chna ki ya ka jylla Meghalaya kawa em ya ki Inter District nadooh nachwa.

Advertisement ad1

Da ong u wa ya ini i pynbait pood wa da lai katni, ka Party ym chim ko wa ka sorkar da leh jhan ko neibhah da kynthup lut ya waroh wa embynta wa kynthup ya ki District Council, ki seiñbhalang, ki hima wa ki tre khyndaw heiwa da elaad ya ki wow pynsñiaw ki yeiwa kwah ki u ong.

Heiyatoh wa i wym hun ha ki kattu katni ki thaw wa da pynbait, uni u heh ka HSPDP da ong u wa chwa wow pynbait da sylli lang wei da sñiaw lut yeiwa da leh lang katkam i chem kiwa sylli, ymtoh wa da ieh noh donhi.

U Pangniang da ong u wa kitu kiwa pyrchah ya ini i pynbait pood wa da leh da ka sorkar Meghalaya wa Assam, toh u pynyoo ki leh ya ki sabut wa yeiwa sakhiat, neibhah waroh chi kattu da yaklam ya u pood katkam i sñiaw donhi.

Share this:
Previous

Da lehkmen yaka World Water Day ha East Jaintia Hills

Next

Ka kabu ksiar ya ki Party ri-loom wa yachruit ki National Party: Martle Mukhim