15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Ki 5 ngut ki pulit ha West Khasi Hills da leh ki ya ka Quarantine

0 Comments

Shillong: U montri ka chnat i chait i khiah ka jylla, u AL Hek ynne ha yung dorbar chna aiñ ka jylla, da pyntip u wa em 5 ngut na West Khasi Hills kiwa lai cha Guwahati Medical College ha ka 29 Naitung (April) kiwa ym em pynpsiah pyrtuid (Register) ha ka 108 Helpline Number.

Kam wow pynkynmoo heini, hadien wa em wa yoh COVID-19 ha Guwahati Medical College wa Dr. B. Borooah Cancer Hospital ka sorkar da kyntu ko ya kiwa lai cha kini ki thaw sumaar hadien ka 23 Naitung (April) 2020 wow register ki ha ka 108 wei wow chongkset ki (Home Quarantine) kamwa 14 sngi.

Heiyatoh wa ini neiliang u Hek da pyntip u wa u Deputy Commissioner, West Khasi Hills da pyntip u wa ym em yoh yutip wa em ki 5 ngut wa da Register. Wei du hadien wa tip ya ini da phah chong-kset ya ki pulit ka 4th MLP Battalion, Sohpian.

Kini ki pulit wa em 5 ngut toh kiwa synraan ya kiwa chah dat ha u pyrthat ha ka 29 Naitung na Nongspung, Dalbari wow lai ki cha kini ki thaw sumaar.

U Hek da pyntip u leh wa hadien wa yoh yutip hajrong kini ki 5 ngut ki pulit da phah leh ya ka Quarantine wei neiliang ki bor District da phah sahep ki na ka District Surveillance Officer ha ka 12 tarik uni u bnai cha Sohpian wow Register wei da e marbaam leh ya kini ki pulit.

Chooh chooh u Hek da pyntip u leh wa da e yarap cha kiwa da mynsoo naka pyrthat kamjooh leh cha ka M. Pathaw kawa man ka khon yong kawi na kiwa da khlaad, ka Rinu Pathaw.

Kam wow pynkynmoo heini, da em i pynbaad wa ki 5 ngut wa wan na Guwahati Medical College hanlada em ki ha Quarantine ym em yoh yarap ki da ki marbaam na ka sorkar jylla.

Previous
Next

0 Comments

Leave a Reply