theme-sticky-logo-alt
theme-logo-alt

Ki chnong kiwa kwah u psiah cha Meghalaya ym toh kiwa jooh em hapoh ka jylla: Conrad

U Montri Rangbah ka jylla, u Conrad Kongal Sangma da ong u wa ym ye de u man wow wai biang ya ka soskular sñiawthooh yumut namo ka MoU yow pynbait pood kawa dadep wow soi wa ka jylla Assam, deiwa khana wa ki thaw wa ki chnong wa da kynthup ha ka MoU toh katkam ka bui (Report) yong ka sorkar ha u snem 2011.

Da ong u wa waroh ki chnong katkam ka Map da em ki 23 tylli, wei na kitai ki 23 tylli ki chnong, 2 tylli ki chnong kiwa ka Meghalaya da dooh noh katwa 21 tylli da neh ki, wei da pynrap u leh wa kiwi ki thaw wa mih i dawa katni wow kynthup chapoh yong ka Meghalaya ym em ki ha ka Map wa ka Report yong u snem 2011.

Da ong u wa ym toh iwa suk ya ka sorkar wa katni wow kynthup chooh ya ki chnong palat ya kawa da em nadooh u snem 2011, neibhah daw eh wow pynsñiawthooh ya ka Assam wa ileh ka Meghalaya kwah sa ya kitai ki chnong.

U Conrad da ong u wa kiwa boon ki chnong kiwa kwah katni wow em cha ka jylla Meghalaya katkam ka Report wa ka sorkar em ko, kitai ki chnong ym em chah kynthup ki ha ki thaw wa ya kajia wei ka sorkar Meghalaya da dep pynyoo che ko wa kitai ki chnong toh kiwa em ha Assam.

U Montri Rangbah da ong chooh chooh u wa katni won kitæ ki chnong kwah ki wow em ha Meghalaya da man iwa eh ya ka sorkar wa katni neibhah ym em ki ha ka Report wa da pynkhreh da ka sorkar ha itu i por.

Share this:
Previous

Wow puræ ya ka ktien Hindi toh ka kabu ya ki khynnah ka jylla: Conrad 

Next

Phah pynchitom ka KYWM ya kiwa tyngkheiñ ya ki kyndon yada ya ka wah Myntdu