Ki C&RD thymme toh ki wow wanrah ya i roi i paar cha waroh : Mukul

Tura : U Moo-nongrim yong ka 41^st Community & Rural Development Block hapooh ka jylla da wan wai ya oo da u Chief Minister u Dr. Mukul Sangma hei emlang u A.T. Mondal, Forest & Environment Minister Clement Marak wa u C&RD Minister Sniawbhalang Dhar ha Demdema hapoh ka Dadenggre Sub-Division, West Garo Hills ynne ka sngi.

Ka Demdema C&RD Block toh ka Block thymme wa ar na ki 6 tylli wa pynbna thymme u Chief Minister ha uni u bna hadien wa dep wai ya ka Damalgre C&RD Block.

Hapoh kani ka block daw em 147 tylli ki chnong kiwa nachwa em ki hapoh ka Dadenggre wa ka Selsella Block.

U moo-nongrim yong ka Bharat Nirman Rajiv Gandhi Seva Kendra leh da booh ha kani ka jooh ka sngi wei daw man ko leh kam ka ophis krem kaam ka Block katwa ym pu ym pu dep chna ya ka ophis wa paka yong ka.

Related posts

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Pynbna ka VPP ya ki kyrtong MDC ha ka JHADC wa KHADC

November 13, 2024

Hei klam yong u Chief Minister da ong u wa i thmu wa kongsan dooh wow chna ya kini ki block thymme toh yow smat u pynpoi ya ki scheme sorkar wa boon cha ki piadbah neibhah em ki block wa da heh palat ki kamtæ boon ki scheme ym poi ki cha waroh ki paidbah wei yooluti wa ki block thymme daw pynwiar ki ya ini waroh.

U Chief Minister leh da pynbna u wa daw chna leh ya ka National Highway 127B ka wow pynyabi ya ka Srirampur ha West Bengal wa ka thaiñ Plain Belt ka ri-loom Garo.

U A.T. Mondal hei klam yong oo da ong u wa ha u snem 1998 da chna ya ka Selsella Block wei man ko leh ka Block wa heh dooh hapoh ka jylla, kamtæ da chem chitom wow wanrah ya ki kaam pynroi hapoh kani ka block kawa em hadooh 1.74 Lak ngut ki bru.

U Clement Marak leh da ong u kamjooh wa deiwa chna ya ka Damalgre wa ka Demdema block ki bru wa em hapoh ka Selsella Block daw em ki du 85,000 ngut.

Kiwi de kiwa klam ha kani ka sngi toh u C&RD Minister u Sniawbhalang Dhar, Director, C&RD, I.R. Sangma wa u Deputy Commissioner Pravin Bakshi.

Kam wow pynkynmoo u Chief Minister da pynbna u ya ki 6 tylli ki Block thymme wa kynthup ya ka Mawlai ha East Khasi Hills, Bhoirymbong ha Ri Bhoi, Demdema ha West Garo Hills, Rerapara ha South West Garo Hills, Bajengdoba ha North Garo Hills wa Sohiong ha East Khasi Hills.

Waroh kattu da em 45 tylli ki block hapoh ka jylla na ki 39 tylli mynchwa.