Ki kaam pyrchah aiñ ha kylleiñ ka jylla

Jowai: Katkam ka yutip wa da yoh na ki pulit da ong wa ha ka 27 tarik uni u bnai ar ngut ki manbei wa kynthup ya ka Rin Kharbithai (70 snem) wa ka Jesinta Mary Malngiang (26 snem) da dooh ki yei mynsien hadien wa chah ban ki ha ki moo heithaw wa choh moo ki ha Mawthei Umroi (RB).

Ha ka 26 tarik uni u bnai kawi ka bus wa em u Number AS-01-FC-0821 kawa lai na Guwahati cha Lad Rymbai, da kylla ko ha Lad Nangbah NH-44 (WJH). Ha ini i jia 6 ngut kiwa chong hapoh yong ka da mynsoo ki wei da kit ya ki cha Civil Hospital Ialong.

Ha kani ka jooh ka sngi heipor 5:00 waje i janmiet kawi ka Maruti Alto wa em u Number ML-10B-1075 wa yah da u Rakhelang Makdoh (24 snem) da tyrrah ko ya kawi ka thuk thuk wa em u number AS-01J-7656 wa yah da u Sheptieng Khymdeit (27 snem) ha Iewmawlong Service Lane (RB).

Pyn ha kani ka jooh hi ka sngi da chem ya iwi i metyap u Ningphun Shangoi na Umsaw (WKH) na iwi i khloo wa em ha khloo Lyngtor (WKH).

Related posts

Chah kem uwa kylliang ya u QR Code ka Petrol Pump yow lai ka poisa cha oo

November 11, 2024

Chah slaitbor ka khynnah wa dang 10 snem ha West Jaiñtia Hills, chah kem uwa emkti

November 10, 2024

Ha ka 26 tarik uni u bnai uwi u bru wa tip kam u Sanjay Thakur uwa kreh ha M/s Sai Megha Ispat Ltd., Byrnihat (RB), da chah riñ light u, wei da kit ya oo cha GNRC Hospital, Guwahati heiwa da khlaad u.

U Donbok Kharjahrin da ujor u wa ha ka 26 tarik uni u bnai heipor kamwa 3:15 nohchariñ ka sngi da em uwi u bru uwa paan ya ka phone ka khon u (Donbok) ka Marbashisha Syiemiong ha Super Care Hospital, Demthring, Shillong yow phone bru u, wei hadien ini uni u bru da yut u wa ka phone yong ka.

Ha ka 25 tarik uni u bnai u Phostin Kharlyngdoh (44 snem) da ujor u wa heipoir kamwa 6:30 i janmiet, u Dina Jyrwa da dat u oo da ka wait ha Jakrem (SWKH) hadooh wa mynsoo u.

Ha ka jooh ka sngi u Hat Dhar wa kiwi kiwi da ujor ki wa u Dong Khyriem wa ki lok ki yong oo da thang ki yei dukan u Hat wa em ha Shmialaskor, Amlarem (WJH). Ha ini uwa chah ujor da tympiah tympra u ya i paikhana wei da tooh u ya ki tiar kiwa chong dor kamwa T. 30,000. Hadien ini ki pulit da kem ki ya u Dong Khyriem.

Ha ka 20 tarik nawon kawi ka manbei wa tip kam ka Rimala Shullet na Narwan (EJH) da ujor ko wa da yah ko ya i khon ko iwa dang chi bnai chiteiñ cha Narwan Health Sub-Centre wow Inject dawai BCG wei kawi na nurse kani ka Health Sub-Centre da e ko ar Inject ya ini i khonboo. Tangwa du hadien kamwa ar kynta ini i khonboo dang kha da khlaad noh i.