15 49.0138 8.38624 1 0 4000 1 https://wyrta.com 300 0

Ki kaam pyrchah aiñ ha kylleiñ ka ri-loom Jaiñtia
Chah tooh kawi ka bru 7 tula i ksiar ha u kobiraij na Khimmusniang

0 Comments
Advertisement ad1

Jowai: Uwi u bru wa tip kam u P. Kharlukhi na Khimusniang, Jowai da ujor u wa ha ka 23 tarik uni u bnai heipor kamwa 12:00 waje chiteiñ sngi uwi u kobiraij da tooh u yei ksiar wa 7 tula na i yung ka kurim u.

Uni u kobiraij da tip pyrtuid kam u Tapan Oja na Lankapatti, Nagaon, Assam, wei da thok u wow sumaar ya ka kurim u Kharlukhi.

Advertisement ad1

Ha ka 21 tarik u Bimal Adhikari, uwa yah ya ka truck wa em ya u AS-01AC-7581 da ujor u wa ha kani ka sngi oo wa u handyman yong oo u Kashi Reang da sangeh ki ha Umstad, EJH wow chet ja.

Heitæ i por da wan 7 ngut ki bru ha ka kari Pick-up kiwa da paan ya ka stove chet yong kini ki ar ngut wei manda e ya kani ka stove le ngut na kini ki bru da dat da bom ki oo wei da ksih ki oo hadooh wa yaplær u (Bimal).

Manda khyrngiat yongbru u (Bimal) da chem u wa da chah kdoh ki kjat wa ki kti u, wei manda poi ki pulit da thooh ya ini i thaw heiwa da chem ya i metyap u Kashi najan iwi i khloo.

Ha ka 19 tarik heipor kamwa 1.40 i sngi, kawi ka tru k wa em u number AS-01FC-6799 kawa da yah da u Md. Sahid Mia da tyrrah u ya ka Phah Dkhar chirup wa i khon ko iwa dang le bnai ha Lad-Rymbai (EJH).

Ha ini i jia da mynsoo kani ka manbei wei da pynkit ya ka cha CHC Khliehriat wei neini da kit ya ki cha Woodland Hospital, Shillong.

 

Advertisement ad1

0 Comments

Leave a Reply