Ki kaam tooh kaam lute hapoh ka jylla

Jowai: Katkam wa pyntip ki pulit ha ka 6 tarik uni u bnai da yoh ujor ki na u bru wa tip kam u Baploo, uwa kreh yong uwi u bru wa khayi mooyong wa tip kam u Bitu, wa ha ka step kani ka sngi heipor 11:30 heipor wa dang lai luti u da ka kari Bolero Camper wa em ya u number ML-08F-3696 na Baburam Bill cha Gasuapara lyngba ka sarok Border Road, SGH; soo ngut ki bru wa rah da ki tiar pynmynsoo wa nep da pynsangeh ki ya ka kari u wei da lute ki oo T. 9,000 waka Mobile Phone u.

Ha ka 5 tarik won heipor 4 wjae i janmiet da em ki bru wa psiah tooh ha i yung u Kitbok Kharsohphoh wa em ha chnong Mawrusyiar, WKH wei da tooh ki T. 28,000 wa i ksiar wa chongdor T. 35,000.

Ha ka 4 tarik da em wa tooh ya ka thuk thuk wa em ya u number AS-01BA-9967 ka yong u Tanmay Kumar na Mynkre, EJH.

Ha ka 7 tarik u Givenson Marbaniang uwa na Lachumiere, Shillong da ujor u wa heipor 12 waje pyrdi sngi da yoh u kem ya u Andy Lyngdoh (20 snem) heipor wa dang mut u tooh na yung u.

Related posts

Yoh pynlait ya ka kynthai kawa na East Jaiñtia wa chah kset yabor ha Delhi

May 11, 2025

Yoh kem mooyong hadooh 6000 MT ha East Jaiñtia Hills

May 10, 2025

Ha ka jooh ka sngi da yoh u kem ya u Meban Lyngwa (20 snem) heipor wa mut u tooh ya ka tape kari napoh ka kari kawa pynyeiñ ha Nongkynrih Laitumkhrah, Shillong kawa em ya u number ML-10-7459.

Ha ka 6 tarik uni u bnai heipor 01:30 i sngi da em wa tooh na i yung ka Wendalin Kharbani wa em ha chnong Nongpyndeng wei tooh ki ya ka poisa wa T. 8 lak.