Shillong: Ynne ka sngi 9 ngut ki dkhot ka KSU kiwa da chah kem hajrong ka yakhih luti rel da yoh jamin ki na ka yungbichaar Meghalaya High Court hadien wa chah pynbaad ki wa emkti ki ha ki kaam pyrchah aiñ. Kini kiwa lait jamin da yoh ki wow lai noh cha jar jiar ki yung yong ki ynne ka janmiet hadien wa soi ki ya ka kular ki kyndon jamin yong ki.
Kini kiwa yoh jamin kynthup ki ya u Alkwis Kharbani, u Reagan Mawri, u Seiborlang Pakyntien, u Shanbok Kharmawphlang, u Allanlas Khyllait, u Eric Nongkynrih, u Samuel Lyngdoh, u Kynpham Marbaniang wa u Shanbor Lyngdoh kiwa ngat mukotduma ha ka kyndon Meghalaya Maintainance of Public Order (MMPO) wa kiwi ki kyndon ka IPC. Katwa uwi won na pyrdi yong kini toh uwa da yoh jamin rap nachwa.
Ya kini ki dkhot ka KSU da pyllait jamin da ka seiñ wa kiwa ha yung ha sem yong ki deiwa su mar T. 30,000 samen chirup wa ki kyndon wa kdoh wa khoom ya ki wa ymtoh de u tyngkheiñ aiñ ki, wei wow lai mih ki ha khmat ka yungbichaar kamjooh ha ki pulit heipor wa emkaam ya ki.
Nalor kini ka yungbichaar ye ko u pyllait jamin leh ya kiwi ki dkhot ka KSU wa kynthup na Ri-Bhoi deilang wa ki jooh ki kyndon.
(Photos Courtesy of T7)
Discussion about this post