Khliehriat: U District Animal Husbandry & Veterinary Officer, East Jaiñtia Hills District da pyntip paidbah u wa hadien wa kjut ki sniang ha ka jylla Assam (Dhemaji, North Lakimpur, Biswanathm, Dibrugarh, Shivsagar, wa Jorhat District) da phah ya waroh kiwa psan sniang hapoh ka District wa ymhoi de u wanrah næ thied ki ya ki sniang na ki thaw næ ki bru wym tikna.
Da ong u leh wa ki sniang wa dang thied thymme toh u kset ya ki hadooh 20 sngi wei ymtoh u pynkhleh ya ki wa kiwa da psan chwa.
Ymtoh leh wow wanrah ya ki baam wa da noh ki dukan cha næ ja, toh wow sait khooid wei wow chet bha ya ki baam næ jhoor kiwa e sniang.
Chooh chooh ki trep sniang toh u pynkhooid ya ki dei langær man ka sngi deiwa pynemkaam ya ki dawai 1% i Formaldehyde, Phenolic wei toh u booh ya ki thaw wieh næ sait kjat chwa wow psiah wei hadien wa mih kini ki trep.
Da hukum leh wa ym hoi u dai ya ki sniang wa kjut cha kiwi ki bru wa dai doh sniang wei wow pyntip cha ki Doctor Veterinary lada ki sniang pynyoo dak ki wa em chitom ki wei wow tlep ya kiwa yap ha i thlu wa yillu deiwa pynemkaam leh ya u chuni.
Discussion about this post