Jowai: Ka Seiñraij Jowai ynne ka sngi da pyntip ko wa neibynta i bha i miat wa i chait i khiah ki paidbah kamwa da e yumut da ka sorkar, da pysñiaw ko wa neiliang yong ka ym em u wit næ thut lada thang ya kiwa khlaad na u khñiang COVID-19, ha ka Khnap Thang-bru wa em ha Khimusniang, Jowai.
Hanlada kattæ leh kiwa yahkhmat ka seiñ da ong ki wa duhai ymhoi u wan kani ka khlam wa u khñiang ha ka chnong ka thaw næ ki yung ki sem ki chnong ka Raij, ka Elaka ha ka jylla.
Neiliang u General Secretary ka seiñ, u Arwotki Sumer da ong u wa da rai yeini toh wa hadien wa yoh ya ka chithi na ka sorkar katkam wa da phah lyngba u Deputy Commissioner ka West Jaiñtia Hills District.
Discussion about this post