Jowai : Ka Khasi Jaiñtia National Union (KJNU), ha ka khubor wa phah da u President ka seiñ u Niman. N. Shadap da ong u wa ka seiñ dawa ko ya waroh ki montri sorkar jylla na ri-loom Khasi Jaiñtia wa toh u hiar chuki noh ki lada maya sakhiat ki ya ka ri wa ka jaitbru wei wow yaklam yasuk noh ki neibynta i chong suk.
“Hei angnood ka Hynniewtrep National Liberation Council (HNLC) wow wan cha khmat yow yaklam yasuk wa ka sorkar MUA-II hapoh i yahkhmat u Dr Mukul Sangma u montri rangbah ka jylla Meghalaya ka seiñ kyntu joor ko ya kitai ki wa mihkhmat wow chimkhia ki ya ini” da ong u President ka seiñ.
Ka seiñ KJNU kyrpad ko ya u Chief Minister (CM) wa emburom ka jylla wow pdiang yei kwah ka seiñ HNLC yow yasuk wa ka sorkar wei ymtoh u kyntait ya ka HNLC neibhah ki leh man ki kam ki khon yong ka jylla.
“Kam u CM ymtoh u kyntait u ya ka HNLC wei emkaam u pyrkhat ar sien u chwa wow klam iwa ye u ktah yei sñiaw ka jaitbru Khasi Pnar wei ymtoh u arsap u neibhah ya ki seiñ na ri loom Garo khut u ki u yaklam yasuk, ileh won ya ka HNLC kyntait u ka” ong ka seiñ.
Ka seiñ kitbok ko ya ka HNLC wow wan ko cha khmat yow klam yasuk deiwa tip bru tip blai.
Discussion about this post