Ki Montri sorkar wa kyntait u thap lang yaka ktien Pnar hapoh ka State Anthem

U MLA ka BJP na Pynthorumkhrah, u Alexander Laloo Hek da ong u wa haka yalang yong ki Montri sorkar namo ka Cabinet Meeting da dep u wow pynsñiaw wa emkaam wow thap lang yaka ktien Pnar hapoh ka rwai ‘Meghlaya State Anthem’ wa ka sorkar da pynlait paidbah ko, tangwa ym em wa kyrchaan ya oo.

Da khana u wa na ki Montri da e jubab ki wa hapoh ka ‘State Anthem’ da kynthup du ya ki ‘Associate Language’ næ kiwa tipmit hapoh ka jylla, kitæ ka ktien English, Khasi wa Garo.

Neiliang ka BJP Meghalaya leh da beiñ ko yeini deiwa ong wa ki Khasi, Ki Jaiñtia wa ki Garo toh kiwa da yatylli lang yow yaleh yoh yaka jylla Meghalaya, kamtæ waroh toh u yoh bhah ki ha kani ka State Anthem.

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

Kam wow pynkynmoo wa ya kani ka State Anthem da ye wow pynmih hadien 52 snem i yoh yaka jylla Meghalaya tangwa ym em pynhun i ya ki paaid wa ki seiñ wa em ha Jaiñtia Hills, neibhah ini i rwai ym em da pynemkaam lang wa i ktien Pnar kawi na ki jaitbru wa heh hapoh ka jylla.

Puræ leh: Ki Khasi, ki Jaiñtia, ki Garo yatylli ki yow yoh jylla Meghalaya, dawa ka BJP wow pynkylla yaka State Anthem