Ki paidbah ki 12 chnong ka khappood ymtoh u pynemkaam ki 2 EPIC: Kyrmen

Jowai: U montri ka chnat Revenue & Disaster Management Department  ka jylla, u Kyrmen Shylla hawa yaklam wa kiwa pathai khubor ynne ka sngi heiyatoh wa u pood hapyrdi ka Meghalaya wa Assam da ong u wa da yachem u wa u montri rangbah ka jylla, u Conrad Sangma heiyatoh wa kani ka kaam.

Da ong u wa neiliang u Conrad da ong u wa ym slem de daw yachem u wa u montri rangbah ka Assam wow pynbait ya kani ka kaam.

“Ym nood u ong iyi wow mih na kani ka yachem ki ar montri rangbah”, da ong u Kyrmen tangwa yooluti wow ye noh u pynbait ya ka.

U Kyrmen da ong u “Neiliang yong nga kam u montri kwah O wow pynbait noh ya kani ka kaam”.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Chooh chooh da ong u wa ini wa dep em ki bru da pynemkaam ki 2 tylli ki EPIC (yong ka Assam wa Meghalaya) yeiwa neiliang yong oo ym em pynchlur u yeini neibhah wa lada em ki ar tylli ymye u chim ka rai heiwon em ki.

Da ong u leh wa ki bru na ki 12 chnong wa kajia ymtoh u sñiawthooh bakla ki neibhah lada pynemkaam ki ya ki ar tylli ki EPIC wow yoh myntoi na ka sorkar daw man i iwa eh wow pynsakhiat heiwon haap ki.

Da kyntu u leh ya ki wa lada kwah ki wow em ha Meghalaya wow pynemkaam ki du ya ki EPIC ka Meghalaya hanlada man ka jylla kawa dooh tangwa emkaam won u im kam kawi ka yung (hanlada man ko kawa dooh).