Jowai: U Heiborki Suchiang uwa man kam u Election Agent yong u Bison Roy Iano na ka 15 Raliang District Council Constituency 2019, ha kani ka kynti na ka party UDP da ong u wa ki Presiding Officer toh u chim ki ya ka bor katkam wa da pynkup ya ki ha ki Polling Station waphær waphær.
Da ong u wa boonsien hi ki Presiding Officer chah leh heh ki ha ki Waheh Chnong, khamtam ha kani ka Election MLA 2018 kawa da dep, ha ka 3-Raliang Constituency, heiwa ki Vote kiwa sah kiwa ym em wan kiwa thap Vote, barabor jooh thap ya ki da ki Waheh Chnong cha kiwa yachah ki wei ym em kheiñkor ki ya i rai yong ki Polling Agent na ki Party waphær waphær.
Choh choh da ong u, boon ki bru wa em i mynsien yong ki wow wan thap Vote tangwa ym chah ya ki wow jied ya u kyrtong wa hun ki. Ki Waheh Chnong toh u pdiang burom hi eh ki ya ka kor EVM wada wan ha chnong yong ki, ym toh wow chim ki da ka yong ki ka rai wow jied ya u kyrtong wa yoo biang ki.
Da pynkut u deiwa ong wa mynstep ka sngi thap Vote cha ka JHADC waka KHADC da yooluti u man ko kawa suk ha waroh ki Constituency.
Also Read: Mih noh u Heiborki Suchiang na ka Bharatiya Janata Party
Discussion about this post